Փառատոնի կազմակերպիչնեն ամեն տարի հաճելի անակնկալ են մատուցում մասնակիցներին ու հյուրերին: Այս տարի այդ անակնկալը Գյումրիում Էդմոնդ Քեոսայանի հուշատախտակի բացումն էր»,- հայտնեց ՌԴ արվեստի վաստակավոր գործիչ, ՀՀ արվեստի վաստակավոր գործիչ, «Երեխաների և պատանիների համար կինոյի և հեռուստատեսության զարգացման Ռոլան Բիկով» հիմնադրամի պատվավոր նախագահ Արմեն Մեդվեդևը` Մանկապատանեկան ֆիլմերի հինգերորդ միջազգային փառատոնի ամփոփիչ ասուլիսի ժամանակ:

Հոկտեմբերի 15-ին Երեւանում մեկնարկած Մանկապատանեկան ֆիլմերի հինգերորդ միջազգային փառատոնի մասնակիցները եւ հյուրերը այցելեցին Գյումրի:
Հոկտեմբերի 17-ին, փառատոնի շրջանակներում, Գյումրիի քաղաքապետարանի որոշմամբ «Հոկտեմբեր» կինոթատրոնի պատին հուշատախտակ է փակցվել հայտնի հայ ռեժիսեր Էդմոնդ Քեոսայանի պատվին, նաեւ նրա անունով Գյումրիի քաղաքի Մուշ 2 թաղամասում նոր փողոց է անվվանակոչվել:

Մանակապատանեկան հինգերորդ միջազգային փառատոնի մասնակիցները եւ հյուրերը, որը մեկնարկել է հոկտեմբերի 15-ին, օրերս այցելեցին Գյումրին: Նրանք այցելեցին Գյումրի քաղաքի «Թռչունյան» մանկատուն եւ շփվեցին երեխաների հետ:
Այցի շրջանակներում, երեխաները հնարավորություն ստացան շփվելու հայտնի մուլտիպլիկատորի հետ` «Վինի թուխ» մուլտֆիլմի նկարիչ բեմադրիչ Էդուարդ Նազարովի, կինոգետ Արմեն Մեդվեդեւի, «Երալաշ» հանդեսի գեղարվեստական ղեկավարի եւ այլոց հետ: